Helle Fjording 50aar - 2025 LTD

Vi markerer 50-årsjubileet for ei sentral hending i Helle-historia med vår 2025 Limited Edition-kniv: Fjording 50 år.

I 1975 lanserte Helle ein kniv som på mange måtar endra korleis vi såg på kniv generelt i Skandinavia. Denne lille nyskapningen fekk namnet Helle Fjording. Modellen bana veg for Nying, og resten – som dei seier – er historie. 

Fjording 50 år tar med seg mange av dei innovative elementa frå det originale designet, samtidig som vi har oppgradert materiala i kniven. Bladet til Fjording 50 år er laga i vårt tjukkare H3LC-laminatstål. Skaftet er styla opp og tilført fleire komponentar, og briljerer no med eit samansett skaft i masurbjørk, stabilisert, grøn masurbjørk og lær. Den «Helle-grøne» masurbjørka representerer både kor viktig dette designet har vore for merkevara, men også dei nye metodane Helle har tatt i bruk i dag. Slira er høgkvalitets, vegetabilsk farga lær i fargen tan.

Fjording 50 år feirar ein viktig del av Helle-historia mens den bringer utføringa inn i det 21. århundret.

Kun 1000 stk worldwide!